HEI MAHI 5
TE WHAKAAOTANGA ME TE AHUREA
5.2 TE TAIOHI Ā-AO
Titiro ki te whārangi rauemi e kīia ana ko
Te taiohi ā-ao, ka whakautu i ngā pātai e whai
ake nei.
1 Ki tō whakaaro, kua
tutuki ngā whakaaro o Schwartz e pā ana ki te taiohi ā-ao? Whakamāramahia
mai tō whakautu. Mēnā ki te whakahē koe i ngā kōrero a Schwartz,
he aha kē ō whakaaro?
2 He aha ngā āhuatanga
o te taiohi ā-ao?
3 He taiohi ā-ao koe?
He aha ai? He aha i kore ai?
4 Nō ēhea atu ahurea
koe?
5 He āhuatanga anō ō
te taiohi o Aotearoa?
6 He āhuatanga anō ō
te taiohi Māori?
Tuhia he hoahoa huinga pērā i tērā kei te whārangi ka whai ake
hei whakaatu i ngā mahi a te taiohi Hapanihi (hei tauira, te kai
Makitānara) me ngā mahi a tēnā, a tēnā o kōrua tērā pea e rerekē
ana.
Anei ētahi whakaaro hei āwhina i a koe ki te mōhio ki te āhua
o te noho a te taiohi Hapanihi
• Uiuia ētahi ākonga Hapanihi o tō kura.
• Uiuia tētahi pouako Hapanihi o tō kura, tetahi pouako rānei
i whakaako i Hāpana.
• Honoa atu ki tētahi kura Hapanihi mā te ipurangi.
Titiro ki te hoahoa huinga i whakakīia e koe, ka matapaki kōrua
ko tō hoa i ēnei pātai. Ka mutu, matapakia e koutou ko te akomanga
katoa.
1 I uaua ki a koe te
whakaoti i te hoahoa huinga?
2 I ōrite tō hoahoa huinga
ki tērā a tō hoa? Ki te kore, he aha i kore ai?
3 Ka nui haere, ka iti
haere rānei te ōrite o te āhua o tā kōrua noho ko te taiohi Hapanihi
ā meāke nei?
4 Whakaarohia tētahi
hoahoa huinga e noho ai ngā mea katoa i te pokapū (te wāhanga
inaki). Ki te pēnei, he aha ngā raruraru ka tau mai?
5 Whakaarohia tētahi
hoahoa huinga kāore he mea i te pokapū (te wāhanga
inaki). Ki te pēnei, he aha ngā raruraru ka tau mai?
|
