HEI MAHI 1
TE WHAKAARO MŌ TE AHUREA
1.1 HE AHA TĒNEI MEA, TE AHUREA?
1.2 TE WHAKAARO MŌ TŌU AKE AHUREA
1.3 TE WHAKAARO MŌ TE AHUREA O TŌ KURA
He aha tēnei mea, te ahurea?
He aha ki a koe te ariā o tēnei mea te ahurea?
Mā te ōhia manomano kōrua ko tō hoa e kōrero
ngā mea katoa ka noho mai ki tēnei mea te ahurea,
(hei tauira, te puoro, te reo). Tuhia ki tētahi whārangi.
Titiro ināianei ki te whārangi e kīia ana Ko te
ahurea. Kei te kite koe i ētahi atu mea e tika ana kia tāpirihia
ki tāu nā whārangi?
Kua mahue ētahi mea i te whārangi, Ko te ahurea? He
aha nā?
Te whakaaro mō tōu ake ahurea
Whakakīia te whārangi Tōu ake tuku ihotanga, ahurea
hoki.
Whakawhitia e kōrua ko tō hoa ngā whakautu. He
aha ngā mea ōrite me ngā mea rerekē i waenganui
i a kōrua?
I ngā wā kua toro atu koe te kāinga o tō
hoa, he rerekē ngā ritenga me ngā tikanga o reira,
ina whakatairitea ki ērā o tōu nā kāinga?
Tuhia ētahi āhuatanga o te ahurea o tō whānau,
hei tauira:
• Ko wai e whakatakoto ana i ngā ritenga? He aha aua ritenga?
• He pēhea te haere o ngā wā kai?
(Titiro ki tō rārangi āhuatanga ahurea hei āwhina
i a koe.) Whakawhitia e kōrua ko tō hoa ō kōrua
whakaaro.
Te whakaaro mō te ahurea o tō kura
He nui ngā putanga o te ahurea. Ina whakahuatia te ahurea
ko te takenga ā-iwi, ko ngā whenua kē rānei
ngā mea ka toko ake i roto i ngā mahara. Engari ka taea
hoki te kōrero mō te ahurea o tētahi whakahaere,
pēnei i tētahi kura.
Tuhia e kōrua ko tō hoa te āhua o te ahurea o
tō kōrua kura, hei tauira:
• Me mau kākahu ōrite ngā ākonga?
• He aha ngā tūmanako e pā ana ki ngā whanonga
o ngā ākonga? Ka tutuki anō aua tūmanako?
• Mai rā anō he kaha te kura ki te puoro, ki ngā
hākinakina, ki te whakatū whakaari rānei?
Mā te akomanga katoa he rārangi e tuhituhi e tautuhi
ana i te ahurea o tō koutou kura.
Matapakia. He rerekē tēnei ahurea i te ahurea o ērā
atu kura kua tae atu ētahi o ngā ākonga ki reira?
Ki ōku whakaaro o mua, he pēnei te āhua
o te ahurea…
Ki ōku whakaaro ināianei, he pēnei te āhua
o te ahurea…
E pēnei ana te huri o ōku whakaaro …
|
 |
 |
|