HEI MAHI 2
TE TOROTORO I TE KANORAU Ā-IWI I AOTEAROA
2.2 TE TITIRO KI TE KANORAU Ā-IWI O TŌ AKOMANGA
2.3 KI TŌ WHAKAARO E WHAKAATURIA ANA E TE MAHI PĀPĀHO
TŌ TĀTOU KANORAU Ā-IWI?
Te titiro ki te kanorau ā-iwi o tō akomanga
Patapātaihia tō akomanga kia mōhiotia ai he aha ngā matawaka o
roto. Whakaaturia mai ngā otinga hei kauwhata pou.
He āhua rite ngā otinga o tō kauwhata pou ki
ērā o te ripanga mō Aotearoa? He pēhea te
rerekē?
E hia o tō akomanga he neke atu i te kotahi te matawaka
ka tohua e rātou?
Tēnā whakaarotia tēnei – e whakaata ana ngā matawaka i tō akomanga
i ērā o Aotearoa whānui. E hia ngā ākonga o tēnā matawaka, o tēna
matawaka?
He aha ētahi atu matawaka e noho ana i Aotearoa nei kāore e kitea
ana i roto i te ripanga mai i te Te Pukapuka ā-Tau o Aotearoa?
Patapātaihia tō akomanga kia mōhiotia ai ko wai mā ngā iwi o
roto. Whakaaturia mai ngā otinga hei kauwhata pou.
Tokohia ngā ākonga o tō akomanga neke atu i te kotahi ō rātou
iwi?
Ka rite ngā otinga o tō kauwhata pou ki ērā kauwhata pou e rua
i hangaia e koe i te mahi o mua? He aha ngā āhuatanga kei te kukume
i ngā otinga?
Mēnā e āta whakaata ana tō akomanga i ngā taupori iwi o Aotearoa,
tokohia ngā tāngata o tēnā iwi, o tēnā iwi kei roto i tō akomanga?
Ki tō whakaaro e whakaaturia ana e te mahi pāpāho tō
tātou kanorau ā-iwi?
Me mahi ngātahi koutou ko ētahi atu ākonga e rua ki te kōwhiri
i tētahi o ēnei momo pāpāho hei tūhura mā koutou:
• Ngā pānui hoko kei runga i te pouaka whakaata
Āta mātakihia ngā pānui katoa o ētahi wāhanga pānui
e whā i ia rā mō te rima rā.
• Shortland Street
Mātakihia te whakaaturanga nei i ia ahiahi mō te rima rā.
• Tētahi mōheni, pēnei i a Mana, i te NZ Listener, i te
NZ Womens Weekly rānei.
Kohia kia rima ngā kape o tā koutou tino moheni.
• Te whārangi o mua o te nūpepa matua o tō rohe
Kohia te whārangi o mua mō te rima rā.
•Pūkana
Mātakihia te whakaaturanga Pūkana i ngā Rātapu e rua.
•Marae
Mātakihia te whakaaturanga Marae i ngā Rātapu e rua.
Whakaritea kia tirohia ia momo pāpāho e tētahi o
ngā rōpū.
Whakaotia ā-rōpū ēnei mahi mā te whakamahi i te papatau
e whai ake nei.
1 Tuhia ngā matawaka katoa
ka puta mai i roto i tā koutou momo pāpāho.
2 Tuhia te maha o ngā wā
e puta mai ana ia matawaka e noho ana i Aotearoa. Me whakatau
koutou i te tīmatanga he aha te tikanga o te putanga kotahi, hei
tauira, kotahi te putanga, e whā rānei ngā putanga, mēnā e kōrerotia
ana tētahi whānau tokowhā ngā tāngata o roto. Whakatauhia me te
mau tonu ki te whakataunga.
3 Whiriwhiria te maha o
ngā putanga o ia matawaka hei ōrau o te tapeke o ngā putanga katoa.
Kei te taurite ēnei putanga ki ngā ōrau i tātaihia e koutou mai
i te Pukapuka ā-Tau o Aotearoa? Ko ēhea matawaka kāore i kitea
tā koutou tūhuratanga?
He pēhea te āhua o te whakaatu i tēnā, i tēnā matawaka? Arā,
he pai, he kino rānei, kāore rānei ōna kukume pērā? Tērā rānei
he whāiti te aronga, hei tauira, ko te whai wāhi ki ngā hākinakina?
I a koutou e whakaatu ana i ngā raraunga, whakautua
ēnei pātai
1 I pēhea tā
koutou whakahaere i tā koutou mahi rangahau?
2 He aha ngā otinga
o tā koutou rangahau?
3 He aha ngā tūtohutanga
a tō koutou rōpū e pā ana ki ngā matawaka
i roto i ngā mahi pāpāho?
Matapakia ēnei pātai e koutou ko te akomanga
katoa
1 Kei te whakaata te hunga
pāpāho i te kanorau ā-iwi o tō tātou
porihanga? Ki te kore, he aha i kore ai?
Ki a koe, he mea nui te whakaata i ngā matawaka katoa? He
aha ai?
2 He maha atu ngā
āhua kino e whakaaturia ana mō ētahi matawaka i
ērā mō ētahi atu?
He aha ngā hua ka puta i te āhua o te aro atu a ētahi
matawaka o Aotearoa ki ētahi atu?
E whakatairanga ana te hunga pāpāho i te whanaungatanga
me te mahi tahi a ngā matawaka i runga i te whakaaro pai?
3 He rerekē anō
te whakamāori a ētahi o te akomanga i ngā mea i
kite ai rātou?
4 Ka ahatia tēnei
take e koe? Hei tauira, me tuhi he reta ki te Minita mō ngā
Take Pāpāho.
5 Me pēhea e whakarerekētia
ai ēnei mea e te pouaka whakaata Māori?
|
