HEI MAHI 6
TE TŪHURA UARA
6.2 ARĀ ĒTAHI UARA KA WHĀIA NGĀTAHITIA E ĒTAHI RŌPŪ MAHA, OTIRĀ
KO ĒTAHI ATU UARA KA WHĀIA MOTUHAKETIA E TĒNĀ, E TĒNĀ O AUA RŌPŪ
Whakarārangitia ōu ake uara, arā, ngā mea e noho taonga ana ki
a koe i roto i tō ao. Anei he tauira hei ārahi noa i a koe ki
te whakatakoto i ōu ake uara:
• He mea hira rawa kia pono ō kōrero i ngā wā katoa
• He mahi kino te whakaweti
• Kia kaua tātou e takahi i te ture
• Me taurima tātou i te taiao
• Kia kaua ētahi atu e raru i a tātou mahi
• Kia whai mana ōrite ngā tāngata katoa
• Me whai whakaaro au ki tōku whānau/hapori i mua i ōku ake hiahia
1 Matapakia ō uara e kōrua
ko tō hoa. He aha ngā uara e ōrite ana ki a kōrua tahi? He aha
ngā uara e rerekē ana?
Tēnā pea he uara motuhake ōu e whai pānga ana ki tō whānau,
ki tō rōpū ahurea rānei. Koia e whakamārama ana i ētahi o ngā
rerekētanga i waenganui i ō uara me ērā o tō hoa?
2 Whakarōpūhia takitorutia
koutou. He aha ō koutou uara e ōrite ana? He aha ngā rerekētanga?
3 Hangaia e koutou katoa
o te akomanga he hoahoa huinga hei whakaatu mai i ngā uara e ōrite
ana, me ērā e rerekē ana.
4 He aha ngā momo taukumekume
tērā pea ka puta mai i aua rerekētanga? Me pēhea e whakatau ai
i ēnei?
5 He aratohu pai te huinga
uara ōrite hei hanga i te ao mō āpōpō, kāore rānei? Ki ō whakaaro,
i ngā rā kei te tū mai ka noho tātou ki ngā porihanga he iti ake,
he nui ake rānei ngā taukumekume e pā ana ki ngā uara?
|
