HEI MAHI 6
TE TŪHURA UARA
6.3 TE HURI HAERE O NGĀ UARA I TE TAKANGA O TE WĀ
Kōwhiria tētahi kaupapa rangahau pēnei i te taiao, i te whanaungatanga
i waenganui i te Māori me te Pākehā, i ngā tūranga rānei o te
wahine. Whakautua ēnei pātai e whai ake nei (e pā ana ki Aotearoa).
Tuhia ō whakautu ki ēnei pātai mō tō kaupapa rangahau ki runga
i te whārangi ka hoatu e te pouako ki a koe. (Kia takirua, kia
takitahi rānei te mahi.)
1 I pēhea ngā whakaaro
me ngā whanonga a ngā tāngata o te rautau tekau mā iwa e pā ana
ki tō kaupapa rangahau? (Kei ngā whārangi rauemi ētahi tauira.)
2 I pēhea ngā whakaaro
me ngā whanonga a ō tūpuna? (Uiuia tētahi tangata o tērā whakatipuranga.
Kaua e wareware ki te pātai nōnahea ia i whānau ai.)
3 He pēhea ngā whakaaro
me ngā whanonga a ō mātua? (Uiuia tētahi o ō mātua, tētahi tangata
rānei o tō rāua whakatipuranga. Nōnahea ia i whānau ai?)
4 He aha ōu nā whakaaro,
āu nā whanonga?
5 Ka pēhea ngā
whakaaro me ngā whanonga a ngā tāngata hei ngā
wā e tū mai nei?
Whakaaturia ō kitenga ki ō hoa akomanga i
runga i te whakaaro auaha, hei tauira:
• me whakaari whakakata, ko tēnā, ko tēnā
o ngā kaiwhakaari e tohu ana i tētahi whakatipuranga
rerekē – kei te kite anō te hunga mātaki ko wai
e tohu ana i tēhea whakatipuranga?
• me hanga pānui whakaahua
• me hanga kaui
|
