HEI MAHI 7
TE WHAKAARO MŌ NGĀ WĀ E TŪ MAI NEI
7.1 TE WHAI WHAKAARO KI TĒTAHI WĀ KEI TE HAERE MAI TĒRĀ KA HEIPŪ
He pakiwaitara mō ngā wā kei te haere mai
Kua tuhia e Te Manatū Pūtaiao ētahi pakiwaitara e toru mō Aotearoa
tae atu ki te tau 2010. E tapaina ana ko:
• Te paihama kua mau i te kōnakonako
• Te mangō e āmio tōtahi ana
• He uru kahikatea e matomato ana te tupu
I ētahi wā e kīia ana ngā pakiwaitara mō ngā wā kei te haere mai
he paki whakatoko whakaaro.
1 Whakarōpūhia koutou
kia ono ngā rōpū. Kia tirohia ia paki whakatoko whakaaro e whai
ake nei e ētahi rōpū e rua.
Matapakia i roto i tō rōpū ēnei pātai a Te Manatū Pūtaiao e pā
ana ki te wā kei te haere mai.
• He aha ngā mea pai rawa e toru o taua pakiwaitara mō te wā kei
te tū mai? Whakamāramahia mai he aha i tino pai ai aua mea ki
a koutou.
• He aha ētahi mea e toru o taua pakiwaitara kāore e pai ana ki
a koutou? Whakamāramahia mai he aha e kore ai.
• He aha ngā tino mea e toru e whakapono ana koutou ka pā? He
aha ai?
2 Whakarōpūhia koutou
ko tērā atu rōpū i matapaki i taua pakiwaitara mō ngā rā kei te
tū mai. Whakakotahia ā koutou whakautu ka tirotiro i ngā wāhi
i ōrite ai, i rerekē ai ngā whakautu a tō rōpū me ērā a tērā atu
rōpū.
Te hoahoa huinga: Whai whakaaro ki ngā wā kei te haere
mai
|
