HEI MAHI 7
TE WHAKAARO MŌ NGĀ WĀ E TŪ MAI NEI
7.2 TE KIMI I NGĀ ĀHUATANGA E TŪMANAKO ANA TE
AKOMANGA KA HEIPŪ Ā TE WĀ E HEKE MAI NEI, ME ĒRĀ TĒRĀ TONU PEA
KA HEIPŪ
Whakamahia e koutou te whārangi mahi e whai ake nei ki te whakarārangi
i ngā mea e pai ana ki a koutou, me ērā kāore e pai ana ki a koutou,
i tēnā, i tēnā o ngā pakiwaitara a Te Manatū Pūtaiao. Tuhia anō
hoki ko ērā mea tērā tonu pea ka heipū, ki ō koutou whakaaro.
1 Kei te whakaae koutou
ki ngā āhuatanga tērā tonu pea ka heipū (te rārangi o raro i te
whārangi mahi)?
2 He aha ngā āhuatanga
e tūmanako ana koutou ka heipū (te rārangi o runga i te whārangi
mahi)?
3 He rerekē anō tā koutou
e tūmanako ana ka heipū i tērā e whakapono ana koutou ka heipū?
He aha i pērā ai?
4 He kaha rerekē anō ngā
whakaaro o tēnā, o tēnā o koutou e pā ana ki ngā āhuatanga e tūmanako
ana koutou ka heipū me ngā āhuatanga tērā tonu pea ka heipū?
Ki tō whakaaro, he aha i pēnei ai?
Kei tēnā tangata, kei tēnā tangata
ōna ake whakaaro e pā ana ki ngā mea e hiahiatia
ana e ia mō ngā wā kei te haere mai.
Kia oti mai te whārangi mahi, matapakia ēnei
take:
• He pēhea te kaha rerekē o ngā whakaaro i puta i waenganui i
a koutou?
• I roto i ō koutou rōpū iti, i pēhea tō koutou manawanui ki
ngā whakaaro o ētahi atu?
• He aha ngā whakaaro e whakaaetia ana e koutou katoa mō ngā
wā kei te tū mai?
|
