HEI MAHI 8
TE WHAKAARO KI TĒNEI MEA, TE HURI
8.2 HE KUPU WHAKARITE MŌ NGĀ WĀ KEI TE HAERE MAI
Kei tēnā tangata, kei tēnā tangata āna ake tikanga hei whakaaro
mō ngā wā kei te haere mai. Ka taea te whakaahua ēnei ki te kupu
whakarite.
Kei te whakaatu te whārangi nei i ētahi kupu whakarite e whā
mō ngā wā kei te haere mai: te kēmu piu mataono, te rōnakinaki,
te awa me te moana.
Ko te āhua o tō tātou whakaaro ki ngā wā kei te haere mai e
kukume ana i tō tātou kaha whakapono mēnā ka āhei tātou ki te
āta huri i ngā wā kei te tū mai.
Ngā kaipiu mataono
Ko ngā kaipiu mataono
e whakapono ana he mea tūpono noa te huri, ā, me whai wāhi ki
aua hurihanga ina tūpono mai. E kore e taea e tātou te matapae,
te kawekawe rānei i te takanga o ngā mataono.
Ngā kaieke rōnakinaki
Ko te kaieke rōnakinaki
e whakamahi nui ana i ngā pūkenga titiro whakamua, e takatū ana
ki te piko ka rokohanga atu ā kō ake nei. Heoi, kei te whakapono
rātou kua whakatakotoria kētia te ara mō ngā wā kei te heke mai.
Ngāi awa mā
Ko ngā iwi o te awa
e whakapono ana ka taea te whakatere ngā wā kei te heke mai; ka
taea anō e tātou tō tātou ara te whakarite, engari me te whai
whakaaro tonu ki ngā ia me ngā tahataha o te awa.
Ngāi moana mā
Ko ngā iwi o te moana e
kī ana mārakerake ana ngā wā kei te heke mai, pērā anō i te aumoana,
ā, ka taea e tātou te whai te ara e hiahiatia ai e tātou.
He aha ngā kōrero whakarite ka whakamahia e koe ki te
whakaahua i ngā wā kei te haere mai?
|
