HEI MAHI 8
TE WHAKAARO KI TĒNEI MEA, TE HURI
8.1 TE WHAKAARO KI NGĀ ĀHUATANGA HURIHURI
Ko te huri, he āhuatanga o te noho ki tēnei
ao e kore e taea te karo. Whakamahia ai ngā hurihanga ki
te hanga pūnaha pai atu mō te whakaea i ō tātou
hiahia. Kīia ai te huri he mea pai i ngā wā ko
tātou tonu kei te whakataki i aua hurihanga, i ngā wā
e āwhinatia ana tātou e aua hurihanga. Kīia ai
te huri he mea kino i ngā wā kāore ō tātou
mana ki te whakataki i aua hurihanga, kua noho papa rānei
tātou i aua hurihanga.
Te whakaaro ki ngā āhuatanga hurihuri
Whakaarohia te ao i te rua tau ki muri. He aha ō maumaharatanga
e pā ana ki ēnei:
• He aha ngā tikanga o te wā e pā ana ki te mau kākahu?
• Ko wai ngā kaiwaiata e tino pīrangitia ana?
• Ko wai te Pirimia o Aotearoa?
• Pēhea te āhua o tō tātou kāwanatanga?
• Ko wai tō Mema Pāremata?
• Pēhea te āhua o te whanaungatanga i waenganui i te Māori me
te Pākehā?
• He aha ngā āhuatanga kua huri, kua rerekē?
• He aha ngā mea kāore i rerekē?
Āta whakaarohia ka pēhea te huri o ēnei mea i ngā tau
e rima kei te tū mai.
Mā te whakamahi i ngā whakaahua ka tangohia i ngā puka mōheni,
hangaia he whakaahua whakapiripiri tērā ka whakaahua i a koe i
tēnei wā, me tētahi ka whakaahua i a koe hei te wā kei te haere
mai.
|
