HEI MAHI 8
TE WHAKAARO KI TĒNEI MEA, TE HURI
8.4 KO TĒTAHI RĀ KEI ROTO I TE AO O…
Ko tētahi anō ara hei whakaaro mō ngā wā kei te haere mai, ko
te pohewa i tētahi rā o tō ao ā te tekau tau ki mua.
Pānuitia Te paki whakatoko whakaaro mō te wā
e whakaarotia ana ka puta me Te paki whakatoko whakaaro mō
te wā e tūmanakohia ana ka puta. He mea hanga
ēnei i runga i ngā whakaaro o ētahi taiohi e pā
ana ki te ngā wā kei te haere mai ki Ahitereiria.
He whakaaro ōu e pā ana ki ngā mea tērā ka tūpono mai ā ngā
wā kei te heke mai? He rerekē ki tō ‘wā tino pai’, ki tērā e hiahia
ana koe kia tutuki?
Whakamātauria ētahi o ēnei ariā e whai ake nei.
Mahi takitahi
1 Whakaahuatia ā-kupu tētahi
rā o tō ao ā te tekau tau ki mua. Tuhia ngā āhuatanga e whakaaro
ana koe ka pā, tērā rānei e tūmanakohia ana – māu e kōwhiri. Tēnā
pea he ōrite tonu ngā mea e whakaaro ana koe ka tūpono mai ki
ngā mea e tūmanako ana koe kia tūpono. Mēnā kei te rerekē, tuhia
pea kia rua ngā whakaahuatanga, pēnei i ngā tauira kei raro nei.
2 Hangaia rānei he pānui
whakaahua mō tō ao ā te tekau tau ki mua. Whakaaturia anō tāu
e whakaaro ana ki pā, tāu rānei e tūmanako ana. Ki te pīrangi
koe, hangaia kia rua ngā pānui whakaahua.
Mahi takirua
1 Matapakia ngā mea ka
tūpono mai ki Aotearoa, ki ō kōrua whakaaro.
2 Whakatauritea tēnei ki
ngā mea ka pīrangi kōrua kia tūpono mai ki Aoteraroa ā te wā kei
te haere mai. He ōrite, he rerekē rānei?
3 Whakaaturia ā kōrua whakautu
ki ngā pātai tuatahi, tuarua hoki i runga i te wairua auaha. Tēnā
pea mā tētahi whakaahua ā-tuhi pēnei i ngā tauira e whai nei,
mā te pānui whakaahua, mā te whakaari rānei e kawe tēnei wāhanga
o ngā mahi.
|
