 |
HEI MAHI 9
TE HANGA I TE PAKI
WHAKATOKO WHAKAARO MŌ
NGĀ WĀ KEI TE HAERE MAI
9.1 TE WHAKAARO KI ĒTAHI PAKI WHAKATOKO
WHAKAARO REREKĒ
Kia takitahi, kia takirua rānei te titiro ki ngā hauwhā e whā
me te whakautu i ēnei pātai. Mēnā kei te mahi takirua kōrua, ā,
he rerekē ō kōrua whakaaro, tuhia aua tirohanga e rua.
1 Ka pēhea te noho i roto
i tēnā, i tēnā o ēnei wā kei te haere mai? Ka pēhea te āhua o
te whenua nei, o Aotearoa?
2 Ko tēhea paki whakatoko
whakaaro tērā tonu pea ka āta heipū mai?
3 Whakaahuatia taua paki
whakatoko whakaaro tērā tonu pea ka heipū mai, i runga anō i te
āhua o ōna ture, ōna motika, me te taha whanaungatanga?
4 He aha ngā take tērā tonu pea ka pā tēnei
paki whakatoko whakaaro? He aha ngā āhuatanga o Aotearoa ināianei
i whakaaro ai koe kei te ahu pērā tātou?
5 Ko tēhea te paki whakatoko
whakaaro pai rawa ki a koe (ki a kōrua rānei)? He aha ai?
6 Me aha tātou hei whakarite
kia tutuki ērā āhuatanga pai rawa atu?
Matapakia e koutou ko te akomanga katoa:
Me pēhea tātou e mōhio ai ko hea te paki whakatoko whakaaro (te
hauwhā rānei) e ahu atu ana tātou ki reira? He aha ētahi tìwhiri
tērā pea ka tohu mai i te aronga e whāia ana e tātou? Hei tauira,
ko te nui haere o ngā whakawhitiwhitinga kōrero mō te whakatū
i tētahi whare pāremata motuhake mā te Māori, he tohu pea e ahu
ana tātou ki tētahi wā i roto i te paki whakatoko whakaaro h o
te Whakaahua 1.
|
|
|