HEI MAHI 9
TE HANGA I TE PAKI
WHAKATOKO WHAKAARO MŌ
NGĀ WĀ KEI TE HAERE MAI
He kōrero pohewa ngā paki whakatoko whakaaro – kāore e whakamahia
hei matapae i ngā mea tērā ka pā. Engari mā ēnei paki tātou e
āwhina ki te whai whakaaro mō ngā wā kei te tū mai, ki te matapaki
anō i ngā mea kei te pìrangi tātou kia tūpono mai me ērā kāore
tātou e pìrangi kia tūpono mai.
Kei te whakaatu mai te Whakaahua 1 i tētahi huarahi māmā mō
te hanga i ngā paki whakatoko whakaaro mō ngā wā kei te haere
mai.
Ka kōwhiria kia rua ngā take hei whakatakoto ki runga i ngā tuaka.
Ko te pū e tohu ana i te āhua o Aotearoa ināianei, ā, kei te ahu
atu ngā take i taua pū (ki te mauì/matau, ki runga/raro), pērā
i ngā hihi o te rā.
Tēnā whakaarohia tēnei – kei te ahu atu a Aotearoa i te wāhi
e hono ai ngā tuaka (te wātū) ki tētahi o ngā hauwhā (he mea tohu
ki te a, te e, te h me te i).
Kia mōhio ai koe: Whakamahia kautia te Whakaahua
1 mō ngā Mahi 9.1 me te 9.2, whakatakotoria rānei
ētahi atu take ki runga i ngā tuaka e rua, ka whakaoti
ai i ngā mahi 9.1 me te 9.2.
Te whakaahua 1: Te ahurea i Aotearoa i ngā rā kei te
heke mai (Te mahi 9.1 me Te mahi 9.2)
|
