HEI MAHI 9
TE HANGA I TE PAKI
WHAKATOKO WHAKAARO MŌ
NGĀ WĀ KEI TE HAERE MAI
9.2 TE TŪHURA I NGĀ HIAHIA REREKĒ
Ka whai mai te mahi nei i te Mahi 9.1, ā, kei te hāngai
anō ki te Whakaahua 1
He rerekē pea ngā tino paki whakatoko whakaaro ā tēnā ākonga,
ā tēnā ākonga. He maha ngā mea ka wāhi atu ki aua rerekētanga,
tae atu ki ō rātou uara, ngā awe mai i ō rātou whānau me ngā whenua
i whānau ai rātou.
Huri haere i te akomanga me te tuku pātai ki ētahi atu ākonga
e rima e pā ana ki tā rātou tino paki whakatoko whakaaro i te
Whakaahua 1. Pātai atu ki tēnā ākonga, ki tēnā ākonga he aha te
paki pai rawa atu ki a ia, he aha anō te take i pērā ai. Tuhia
hoki ō whakaaro mō ā rātou whakautu.
Whakarōpūhia te akomanga kia whā (a, e, h me i) ngā kokonga.
Ka tohu ia kokonga i tētahi o ngā hauwhā paki whakatoko whakaaro.
Ko tēnei
Tonoa ngā tāngata kia tū ki te kokonga e whakaatu mai ana i te
paki e hiahiatia ana e rātou.
Ko tēnei rānei
Whakarōpūhia ngā ākonga kia whā ngā rōpū, me te whakahau i ia
rōpū kia haere ki tētahi kokonga, tū mai ai, ahakoa e pai ana
ki a rātou te paki kua tohua ki taua kokonga, kāore rānei.
Matapakia e koutou katoa ngā kare ā-roto e toko ake ana i tō mōhio
kei roto i tōu ake rōpū he tāngata he rerekē ō rātou whakaaro
i ōu nā whakaaro.
Hangaia he huinga rōpū hou. Kei roto i ia rōpū ko tētahi māngai
mai i tēnā, i tēnā o ngā kokonga e whā (arā, ngā paki e whā).
Ka mahi ngātahi ia rōpū, ki te hoahoa i tētahi paki whakatoko
whakaaro ka tautokona e te katoa o tō rōpū. Kātahi ka whakaatu
mai ia rōpū i tā rātou paki ki te katoa, me te whakaahua i:
1 Te āhua o tā rātou paki
whakatoko whakaaro.
2 Ngā uauatanga i puta
mai i te mahi ngātahi.
3 Ngā tautuku me ngā ngawheretanga
a ētahi e tau ai te take.
Hei whakamōhio i ngā pouako
Me whakamahi te kōwhiringa ‘ko tēnei rānei’ mehemea ki tō whakaaro
kāore e pai ki ngā ākonga te whakawehea i a rātou i runga i ō
rātou whakapono, uara hoki.
|
