HEI MAHI 9
TE HANGA I TE PAKI
WHAKATOKO WHAKAARO MŌ
NGĀ WĀ KEI TE HAERE MAI
9.3 TE WHAKAMAHI I NGĀ TUAKA I ROTO I TĒTAHI
A, tēnā, he rangatira koe i te tau 1840. Tirohia te whārangi
rauemi 9.3. Kei te whiriwhiri koutou ko ētahi atu rangatira āe
rānei me haina e koutou te Tiriti o Waitangi, kāore rānei. Tēnā
pea ka whakamahia e koutou he tuaka pēnei i ērā o te Whakaahua
1 ki te arataki i ngā kōrerorero ki ngā āhuatanga tērā tonu pea
ka puta i muri i te hainatanga o te Tiriti.
E rua ngā tuaka i te Whakaahua 2. Tēnā pea ka whakamahia ko
te tuaka pou, nō te mea ko te pupuri i te mana motuhake o te Māori
he take i āta matapakia whānuitia i taua wā. I te tau 1840 tērā
tonu pea kāore koe e tino aro ki te tuaka pae. He nui noa atu
te taupori Māori i te taupori Pākehā i te wā i hainatia ai te
Tiriti, 100 ki te 1 te ōwehenga. Ruarua noa iho ngā Māori o taua
wā i whakaaro ka tau mai te huhua rawa o ngā tāngata whai i ngā
tau o muri mai i te hainatanga o te Tiriti.
Titiro ki te Whakaahua 2, ka whakautu takitahi i ēnei
pātai:
1 Ko tēhea hauwhā e tohu
ana i ngā āhuatanga i pā?
2 He aha te hauwhā/ngā
āhuatanga i tūmanakohia e ngā Māori i a rātou ka haina i te Tiriti?
3 Ka pēhea te hauwhā u,
ka taea tērā i Aotearoa i mua (me whakaaro ki a Āwherika ki te
Tonga)?
4 He aha ngā āhuatanga
ka kōwhiria e koe hei whakatakoto ki runga i ngā tuaka?
Matapakia e koutou ngā whakautu.
Te Whakaahua 2: Ko ētahi āhuatanga tērā pea ka puta i
Aotearoa, mai i te tirohanga o te tau 1840 (Te mahi 9.3)
|
