HEI MAHI 10
TE TUAKIRI Ā-WHENUA
10.1 TE TŪHURA I NGĀ TUAKIRI KA TAEA MŌ AOTEAROA
10.2 TE WHAI HAERE I TŌ TĀTOU ARA
Te tūhura i ngā tuakiri ka taea mō Aotearoa
Titiro ki ēnei paki whakatoko whakaaro nā Jock Phillips,
he pūkenga mō ngā kōrero o neherā nō
Aotearoa, i tuhi. Mēnā kua oti te Mahi 9.1 i a koe me
whai whakaaro ki ēnei pātai:
a Ka ōrite tēhea
o ēnei pakiwaitara ki tēhea o ngā hauwhā o
te Whakaahua 1 o te
Mahi 9?
e Ko tēhea hauwhā
kāore e whai wāhi atu ki roto i ēnei pakiwaitara?
Kōwhiria tētahi o ngā paki whakatoko whakaaro a
Jock, ka toko whakaaro ko koe te tangata kātahi anō
ka hoki mai ki Aotearoa. Tuhia he kāri hei tuku atu ki tētahi
hoa e noho ana i tāwāhi e whakaahua ana i ō kare
ā-roto ina kua hoki mai koe ki Aotearoa.
Kia takirua te mahi. Hoahoatia tētahi o ēnei e whai nei
mō tēnā, mō tēnā o ngā paki whakatoko whakaaro e pā ana ki te
tuakiri ā-whenua:
• He tohu tautuhi whānau
• He ingoa hou mō te whenua nei
• He haki
• He huinga pane kuini
Te whai haere i tō tātou ara
Me pēhea tātou e mōhio ai ki te ara tārai tuakiri e whāia nei
e Aotearoa? E whakaatu mai ana te mahere tuakiri ā-whenua i ētahi
ara e toru e hāngai ana ki tēnā, ki tēnā o ngā paki whakatoko
whakaaro a Jock Phillips. Te tikanga kia whakaatu mai ngā pou
tohutohu i ētahi tīwhiri tērā ka tohu i te ara ka whāia e tātou.
Kua whakakīia kētia ētahi o ngā pou tohutohu. Āta whakaarohia
ētahi kōrero mō ērā atu pou tohutohu.
|
