HEI MAHI 3
TE TOROTORO I NGĀ WHANAUNGATANGA
AHUREA
E pai ai te mahi ngātahi me te noho tahi a ngā tini tāngata,
me manaaki tēnā me tēnā i ngā ahurea o ērā atu iwi katoa. Kia
mārama tātou kei tēnā ahurea, kei tēnā ahurea ōna ake whakaaro
e pā ana ki te haere whakamua me ngā huarahi tika hei whai.
Ahakoa kite ai tātou i ngā taukumekume ahurea i roto
i ngā kupu matua o ngā nūpepa, e noho ngātahi ana ngā iwi o ngā
ahurea rerekē i runga i te rangimārie i te nuinga o ngā whenua.
He tata ki te katoa o ngā whenua o tēnei ao kei te noho i runga
i te kanorau ā-iwi. Tūturu, ko te pūtake o te taukumekume ahurea
i te nuinga o te wā,
ko te whakataetae mō ngā rawa, ā, i ētahi wā ka āta whakataritarihia
ngā hoa taukumekume e tutuki ai tētahi whāinga tōrangapū.
Kei te whakaahua te papatau i te whārangi ka whai ake i
ngā momo whanaungatanga i waenganui i ngā rōpū
ahurea rerekē.
|
